Rosario il”Rivolusionario”!

Rosario il”Rivolusionario”!               

di Also sprache Zaratustra ( tanto, come dicevano i “latrini”, Nemo Profeta in Patria, ora si quarcunu, curtisi, mi dici a ccu apparteni stu Nemo!)

Sugnu Rosariu, beddu comu u Suli

Sugnu Rosariu, sugnu strata e solu!

Sugnu Rosariu,

Il “Rivolu – Sionariu”!

Pigghiu ppi fissa cu si senti u megghiu

Ppi cumpanaticu lu fazzu e mi l’ammogghiu.

Vastuni npuppa cafuddu nto purtuni

e affacciu a vista e parru in profusioni!

Cu quattru scagnuttelli senza denti

pigghiai u putiri, addivintai Presidenti!

Sai chi ti dicu: Saru nasciu Presidenti!

A mia un m’aviti a diri propriu nenti.

Comu a Gela, fazzu  mPalermu u sceriffu

e cu sta stidda minni fazzu un baffu

di cu travagghia ppi sta Sicilia antica

e di cu grida nta la chiazza amica.

Sugnu o nun sugnu iu lu Presidenti!

Stativi accorti e nun fati commenti!

Picchi siddu mi gira nta coppula a iattura

siti mafiusi e vi mannu a villeggiatura!

Ora, amici, vi cuntu stu fattu,

ca m’insunnai e mi fici suddisfattu,

Piazzavu centu amici e trummateddi,

pi fari un pocu i granu di sta pagghia,

sunavanu anciluzzi i trummitteddi,

e iu vulavu cu tutta sta canigghia!

Puru a Virticchiu, no, Ingroia lu magistratu

chiddu ca si icco npolitica e fu trummiatu,

un beddu posticeddu ci aiu truvatu!

E li me amici, tutti in posizioni,

pronti pi fari la “RIVOLU-SIONI”!

Canciai sta vecchia e murritiusa  littra

mittennu nsemmula RIVULI e ILLUSIUNI,

nsumma si chiama: la me RIVOLUSIONI!

Cu ci piaci l’anticu fu sirbutu

e cu un ci piaci è cuntentu e gabbatu!

Passata la festa lu Santu è gabbatu!

Si nun mi fai mpacciu si  furtunatu!

Ora sai chi ti dicu, amicu caru,

iu nta sta seggia fazzu u “purcaru”.

Chi minni futti si siminu timpesta,

tantu o sceriffu nuddu ca l’arresta!

Ora è truvari un gran figgi i ntrocchita,

ca mi misi pi nciuriu “ Masaniello”,

un gran figgi di zoccola, monello,

ci manciu u ficatu e puru u cirivello!

Vaiu n televisioni stasira e la uso

Pi faricci vidiri a stu gran fituso,

comu mi chiamanu a lu me paisi,

sti coppuli i parrini falsi e curtisi,

peggiu di li vaccari e i marsalisi.

Sugnu Rosariu, u vostru Presidenti

Stativi accorti … alleri e cuntenti!

 

Zaratustra siculo